Parlamenti Evropian mbështet plotësisht përpjekjet e Përfaqësuesit të Lartë të BE-së për Punë të Jashtme dhe Siguri, Josep Borej, dhe të Dërguarit Special të BE-së për Dialog, Miroslav Lajçak.
Deputetët e Parlamentit Evropian do të diskutojnë për marrëdhëniet dhe dialogun ndërmjet Beogradit dhe Prishtinës me Komisionin Evropian dhe Këshillin Evropian të martën, më 3 tetor.
Temë do të jetë edhe gjendja në komunat në veri të Kosovës , mëson Tanjug.
Kryetarja e Parlamentit Evropian, Roberta Metsola, tha dje se duhet të vërtetohen të gjitha faktet për sulmin e fundit në fshatin Banjskë dhe u bëri thirrje të gjitha palëve që të bëjnë përpjekje të sinqerta për të rivendosur paqen dhe stabilitetin.
Këtë ajo e tha për Tanjug në një intervistë në kuadër të projektit ENR dhe theksoi se dialogu me ndihmën e BE-së është rruga e vetme për të ecur përpara.
Sipas saj, Parlamenti Evropian mbështet plotësisht përpjekjet e Përfaqësuesit të Lartë të BE-së për Politikë të Jashtme dhe Siguri, Josep Borej dhe të Dërguarit Special të BE-së për Dialog, Miroslav Lajçak, në këtë drejtim.
