Pjesëtarët e njësisë speciale të Policisë së Kosovës kanë kontrolluar objektin në pjesën veriore të Mitrovicës, ku ka jetuar nënkryetari i Listës Serbe, Milan Radoiçiq.
Siç u regjistrua nga kamerat e ekipit N1, një numër i madh i mjeteve të blinduara me tuba të gjatë ishin vendosur rreth ndërtesës.
Policia e Kosovës ka sekuestruar dy vetura luksoze Mercedes me targa të Beogradit dhe një kuadrat pa targa.
Siç shihet edhe në video, veturat janë larguar nga zona përreth objektit të shoqëruar nga autoblinda të Policisë së Kosovës.
Në katin e parë të ndërtesës ndodhet restoranti Grey, ndërsa në Kopaonik ekziston edhe hoteli me të njëjtin emër me logo identike. Ai hotel ishte i lidhur me Zvonko Veselinoviqin. Megjithatë, sipas të dhënave publike, pronare e restorantit në Mitrovicë është Ema Radoiçiq.
Kossev raporton se forcat speciale të Kosovës kanë marrë dy qese letre nga restoranti, të cilat i kanë futur në veturën zyrtare, transmeton Nova.rs.
Dr.Elek: Policia ka konfiskuar pamjet nga kamerat e vëzhgimit,
kontrollet janë kryer edhe në disa lokacione të tjera në Mitrovicë, si dhe në Zveçan dhe Zubin Potok.
Njësitet speciale të Policisë së Kosovës kanë sulmuar me forcë mëngjesin e sotëm Qendrën Spitalore Klinike në Mitrovicë, ka thënë për Tanjug, drejtori i atij institucioni, dr. Zlatan Elek. Ai tha se kanë kontrolluar lavanteri dhe zyra të caktuara, pa dijeninë e administratës së spitalit.
Siç ka thënë ai, pjesëtarët e njësisë speciale të Policisë së Kosovës kanë thënë se kanë një urdhër bastisje nga gjykata, i cili ishte në gjuhën shqipe dhe të cilin ai nuk e kuptonte.
Aksion në pesë lokacione në veri të Kosovës
Policia e Kosovës ka njoftuar se është duke e zhvilluar aksionin në pesë lokacione në tri komuna në veri të Kosovës: Mitrovicë, Zveçan, Leposaviq.
