Në dy ari tokë në Podujevë, Policia e Kosovës ka verifikuar mbjelljen dhe kultivimin e bimëve narkotike.
“Është raportuar se janë gjetur disa bimë të kanabisit të dëmtuara të cilat kanë qenë të mbjellura në një hapësirë rreth dy ari tokë, në sasi prej rreth 260 bimë të llojit kanabis sativa”, njofton Policia e Kosovës.
Në vendin e ngjarjes janë sekuestruar disa mostra për ekzaminim, ndërsa mbetjet tjera me vendim të prokurorit janë asgjësuar.
