Ka përfunduar autopsia e trupave të tre serbëve që humbën jetën në Banjska në veri të Kosovës pas sulmit ndaj policisë se Kosovës, njoftoi sot Radio Kim.
Drejtori i Institutit të Mjekësisë Ligjore, Ditor Haljiti, ka konfirmuar se autopsia ka përfunduar, por ende pritet raporti.
“Ajo që mund të them është se autopsia ka përfunduar”. Identifikimi është çështje e prokurorisë. Raportet ende nuk kanë përfunduar”, ka thënë Haljiti, përcjell Kallxo.
Në konfliktin mes Policisë së Kosovës dhe personave të armatosur në fshatin Banjskë më 24 shtator, kanë mbetur të vrarë tre sulmues dhe polici Afrim Bunjaku.
