Presidenti i Serbisë, Aleksandar Vuçiq, ka thënë se nuk ka ndërmend të urdhërojë ushtrinë të kalojë nëpër vendkalimet administrative me Kosovën, duke shtuar se do të tërheqë forcat serbe nga zona, sepse siç tha ai, përshkallëzimi i konfliktit do të ishte kundërproduktiv. kur është fjala për dëshirën e Serbisë për t’u bërë anëtare e Bashkimit Evropian.
“Pse kjo do të ishte e dobishme për Beogradin?” Cila do të ishte ideja? Të na prishin pozicionin që kemi ndërtuar prej një viti? Të shkatërrohet brenda një dite? Serbia nuk dëshiron luftë”, tha presidenti Aleksandar Vuçiç në një deklaratë për Financial Times.
Vuçiq theksoi se paralajmërimet e Uashingtonit janë joproporcionale, sepse numri i forcave serbe në terren po zvogëlohet.
Vitin e kaluar kemi pasur 14.000 njerëz afër vijës administrative, sot kemi 7.500 dhe do ta zvogëlojmë në 4.000”, tha Vuçiq.Ai tha se është “gënjeshtër e pastër” se Serbia po e dërgon ushtrinë në vijën administrative.
“Serbia nuk do të përfitonte nga kjo sepse do të rrezikonte pozicionin e saj në negociatat me Prishtinën nën kujdesin e Bashkimit Evropian”, tha Vuçiq në një deklaratë për Financial Times, raporton RTS .
