Ministrja e Punëve të Jashtme e Kosovës, Donika Gërvalla ka paralajmëruar luftë, në rast se komuniteti ndërkombëtar vazhdon qasjen e njëjtë ndaj Serbisë.
Ministrja Gërvalla për mediumin publik gjerman, Deutschlandfunk, ka theksuar se Serbia dëshiron ta detyrojë Kosovën të negociojë për çështje territoriale në dialog. Gërvalla thotë se BE-ja duhet të ngrijë statusin e Serbisë si vend kandidat.
“Nëse komuniteti ndërkombëtar i toleron veprimet e Serbisë, do të ketë luftë”, ka deklaruar ajo. Gërvalla thotë se BE-ja duhet të ngrijë statusin e Serbisë si vend kandidat.
Deklaratat e Gërvallës vijnë një javë pas sulmit të armatosur në veri, ku mbeti i vrarë një polic i Kosovës dhe më pas policia u desh t’i eliminojë tre terroristë.
