Presidenti i Serbisë, Aleksandar Vuçiq , i ftuar në CNN në emisionin me Christiane Amanpour, tha se mbështet integritetin territorial të Bosnjës dhe Hercegovinës, por edhe Marrëveshjen e Paqes të Dejtonit. I pyetur nga gazetares se famshme te CNN, Christian Amanpour, a do të thotë kjo se ai nuk e mbështet liderin e SNSD-së Milorad Dodik , i cili vazhdimisht e vë në pikëpyetje atë integritet duke shpallur shkëputjen e entitetit Republika Srpska, Vuçiq tha se “mos i vendosni fjalët në gojë. “.- Unë kam qenë gjithmonë shumë i përgjegjshëm dhe serioz kur është fjala për Bosnjë dhe Hercegovinën. Unë gjithmonë e kam mbështetur integritetin territorial të BiH…
Atëherë nuk e përkrahni Dodikun?
-Mos ma fut fjalët tua në gojë. Unë them se mbështes integritetin territorial të BiH dhe Marrëveshjen e Paqes të Dejtonit. Unë kurrë nuk e vura në dyshim këtë.
Por pikërisht kjo pyetje tërboi mediat nën kontrollin e regjimit të Vuçiqit. Pasuan tituj të neveritshëm që zbuluan se sa i dëshpëruar ishte shefi Vuçiq pas përballjes me gazetarin e famshëm që “çarmatosi” Presidentin e Serbisë.
Meqë ra fjala, menjëherë pas intervistës në CNN, Vuçiq shkoi në “vendin e tij të lindjes”, “Happy TV”, ku debatoi me redaktorin Milomir Marić për atë që nuk mund të fliste me gazetarin e CNN. 
