Këtë të diele, me datë 8 tetor, në shkollën “Fadil Hisari” në Prizren, do të organizohet java e gjashtë e Supërligës së Kosovës për meshkuj dhe në shkollën ”Tefik Çanga” në Ferizaj për femra.
Në kategorinë e meshkujve, derbi i fundjavës padyshim pritet të jetë ndeshja në mes ekipeve “Lidhja e Prizrenit” dhe “Dardania”, mirëpo ndeshje mjaft interesante pritet të jetë edhe ajo në mes dy ekipeve nga kryeqyteti “Dardania” dhe “Priping”.
Përballje tjetër mjaft interesante pritet te jete edhe ndeshja ne mes dy klubeve nga Prizreni e cila do të sjellë loje me rivalitet të lartë “KVPP Prizreni” dhe “Liria”.
Në kategorinë e femrave pritet të ketë gjithashtu ndeshje shumë interesante dhe me rivalitet.
“Drita F” në xhiron e parë do të ndeshet me klubin nga Vushtrria, “Vushtrria F”, ndërsa në xhiron e dytë do të përballet me “Prishtina F”, nga Prishtina.
Ndeshje mjaft interesante pritet të jetë edhe ajo në mes “Vushtrria F” dhe “Ahmet Hoxha F”. /Kosovatimes/
