Madonna së shpejti do të nisë turneun e shumëpritur “Celebration”, i cili do të shënojë katër dekada të karrierës së saj.Mbretëresha e estradës vazhdon punën pas komplikimeve me gjendjen e saj shëndetësore dhe së shpejti do të nisë turneun që fansat e saj e kanë pritur me padurim prej kohësh.
Madonna koncertet e para do t’i mbajë në Londër, më saktë në arenën O2, ku do të performojë hitet e saj më të mëdha para rreth 80 mijë fansave.
Situata nuk është më e mirë në Milano, ku biletat variojnë nga 300 deri në 15.454 euro. Këtu kanë mbetur më pak se 200 bileta dhe sipas vlerësimeve të mediave botërore, mbretëresha e popit mund të vendosë një rekord të ri për fitimet nga performancat me këtë ritëm.
Megjithatë, ky titull nuk do të përfaqësojë prestigj për të, sepse ajo tashmë është në krye të listës pasi fitoi 411 milionë dollarë gjatë turneut “Sticky and sweet” në vitin 2008 dhe 2009, shkruan “Kurir ” .
Kujtojmë se turneu i Madonës fillimisht u shty për shkak të përkeqësimit të shëndetit të saj. Gjegjësisht, këngëtarja përfundoi në spital për shkak të një infeksioni bakterial, por ia doli me sukses të rikuperohej, dhe së fundmi festoi ditëlindjen e saj të 65-të në rrethin e miqve të saj më të ngushtë.
