Se presidenti i Serbisë Aleksandër Vuciq është manipulator i shkathët këtë duhet pranuar. Brenda një dite ai ka dhënë intervista për dy televizione, të cilat i përdori për konsum të brendshëm dhe të jashtëm,.Kështu,i ftuar në emisionin Ćirilica në televizionin Happy, presidenti i Serbise Aleksander Vuçiq përsëriti se ngjarjet në fshatin Banjskë ishin rezultat i ” presionit” të ushtruar ndaj pjesëtarëve të komunitetit serb nga regjimi i Albin Kurtit, duke theksuar se që nga ardhja e tij në pushtet, 11 për qind e serbëve janë larguar nga Kosova.
Ndersa i ftuar në emisionin e Christiana Amanpour në televizionin CNN, ai dhe ka shmangur përgjigjen e drejtpërdrejtë në pyetjen nëse Milan Radoiçiq, ish-nënkryetari i Listës Serbe, do të mbajë përgjegjësi për incidentin në Kosovë.
Vuçiq, pa përmendur Radoiçiqin, tha se “natyrisht që të gjithë personat që kanë kryer krime do të përgjigjen”, dhe se prokuroria do të bëjë punën e saj.
Ai ka theksuar se incidenti në Kosovë nuk i ka hije Serbisë fare dhe se Serbia ka qenë partner konstruktiv në negociatat me Kosovën, për dallim nga pala tjetër. Vuçiq ka thënë se Prishtina nuk ka punuar për zbatimin e marrëveshjes, dhe se që nga ardhja në pushtet e Albin Kurtit ka kryer “spastrimin e heshtur etnik”.
