Një anëtar i Senatit të Dakotës së Veriut, gruaja e tij dhe dy fëmijët e tyre të vegjël u vranë kur avioni i vogël me të cilin po udhëtonin u rrëzua në Utah, konfirmoi presidenti i Senatit. Vdekja e Doug Larsen u konfirmua në një email të dërguar nga udhëheqësi i shumicës në Senat, David Hogue për kolegët e tij senatorë, të marrë nga Associated Press .eroplani u rrëzua mbrëmë pak pas ngritjes nga aeroporti Canyonlands, rreth 15 milje në veri të Moabit, sipas deklaratës së një sherifi të postuar në Facebook. Zyra e sherifit tha se të katër personat në aeroplan u vranë.
“Senatori Doug Larsen, gruaja e tij Amy dhe dy fëmijët e tyre të vegjël u vranë në një aksident avioni mbrëmë në Jutah. Ata po vizitonin familjen në Scottsdale dhe po ktheheshin në shtëpi,” tha Hogue .
Bordi Kombëtar i Sigurisë së Transportit njoftoi në rrjetet sociale se rrëzimi i avionit me një motor Piper është nën hetim. Një zëdhënës i Bordit njoftoi se një hetues do të mbërrijë së shpejti në vendngjarje. Hetuesi duhet të “dokumentojë vendin e ngjarjes, të ekzaminojë avionin, të kërkojë të gjitha komunikimet e trafikut ajror, të dhënat e radarit, raportet e motit dhe të përpiqet të kontaktojë dëshmitarët”.
Ai u zgjodh në Senat në vitin 2020.
“Gjithashtu, hetuesi do të kërkojë të dhënat e mirëmbajtjes së avionit dhe dokumentacionin mjekësor të pilotit dhe historinë e fluturimit”, tha zëdhënësi i Bordit. Nuk është e qartë se kush po udhëtonte me aeroplanin në momentin e rrëzimit. Larsen tha në një postim në Facebook të dhjetorit 2020 se gruaja e tij po fluturonte me aeroplan për herë të parë.
Larsen ishte një republikan i zgjedhur për herë të parë në Senatin e Dakotës së Veriut në 2020. Ai kryesoi panelin e Senatit që merrej me legjislacionin industrial dhe të biznesit. Ai ishte gjithashtu një nënkolonel në Gardën Kombëtare të Dakotës së Veriut. Ai dhe gruaja e tij Amy zotëronin biznesin.
Republikanët e distriktit do të emërojnë një pasardhës për të zëvendësuar Larsen deri në fund të mandatit të tij, deri në nëntor 2024. Republikanët kontrollojnë legjislaturën e Dakotës së Veriut me supershumicë në Dhomë dhe Senat.
