Goran Petronijeviq, avokati i Milan Radoiçiqit, deklaroi se klienti i tij e mohon fajësinë për krimet për të cilat akuzohet, të cilat janë armëmbajtje pa leje dhe shkaktimi i rrezikut të përgjithshëm.
“Zyrtarët e Ministrisë së Punëve të Brendshme kanë kryer bastisje në mëngjesin e sotëm në banesën në Beograd ku jeton Milan Radoiçiq dhe në proces ia kanë marrë armët që i kishte në posedim të ligjshëm”, tha Petronijeviq.
“Tashmë jemi në pritje të seancës me gjyqtarin për procedimin paraprak, i cili do të vendosë për masën e paraburgimit të kërkuar nga prokuroria. “Klienti im aktualisht ndodhet këtu në Pallatin e Drejtësisë nën mbikëqyrjen e njerëzve të Ministrisë së Drejtësisë”, shtoi ai.
