Senad Biliq , avokat dhe analist social nga Sarajeva, është i befasuar nga reagimi i MPB-së së FBiH-së ndaj pretendimeve nga Serbia se lideri i terroristeve nga Kosova ka marrë armë në Tuzla.
-Terroristi Milan Radoiçiq, në deklaratën e tij të dhënë në Prokurorinë e Beogradit, si i dyshuar për disa vepra penale të kryera së fundmi në Kosovë, kinse pretendon se armet me të cilat grupi i tij ka kryer sulmin është blerë në Tuzla dhe është dorëzuar në Beograd?
I dyshuari ka të drejtë të gënjejë në mbrojtje të tij, të mos thotë të vërtetën, apo të thotë të vërtetën, por gjykata në fund e vlerëson dëshminë e tij. Boja në deklaratën e tij të mjegullt as nuk është tharë dhe Ministria Federale e Punëve të Brendshme nxitoi të deklarojë se do të verifikojë këto deklarata dukshëm të rreme për blerjen e armëve në Tuzla.
MPB-ja Federale në vend që t’i injorojë deklaratat e kriminelit dhe terroristit të theksuar Radoiçiq, na thotë se do t’i kontrollojnë deklaratat e tij të çmendura. Kush do t’i transferonte armët normale, origjina e të cilave është dukshëm serbe, armë për të cilat ekziston reversi i marrjes së të njëjtave nga magazinat serbe, nga Serbia përtej kufirit në Bosnje dhe Hercegovinë, në Tuzla, dhe pastaj t’i kthente ato armë nga Bosnja përtej kufirit në Serbi, në Beograd, dhe pastaj përsëri përtej kufirit nga Serbia në Kosovë, ku u përdoren dhe u konfiskuan.
Në vend që ta pështyjnë këtë gënjeshtër të dukshme, Ministria Federale e Punëve të Brendshme thotë se do ta hetonte, duke i dhënë rëndësi kësaj mjegullnaje të Radoiçiqit dhe duke u vënë në pozitën e një idioti të dobishëm të propagandës serbe. Sepse armët janë nga Tuzla, terroristët janë nga Kosova, mëngjesi i ka ardhur nga Hari nga Travniku, makinat janë nga Gjermania, kryesisht, Serbia nuk gjendet askund në atë sulm terrorist… ashtu si në vitet nëntëdhjetë të shkullit te kaluar. Serbia nuk ka marrë pjesë në luftë…në fund të fundit, MPB-ja jonë le t’i bëjë hetimet, se ata padyshim nuk kanë punë më të zgjuar, tha Biliq.
