Policia e Kosovës ka arrestuar dje në pikëkalimin koftra në Merdare, një qytetarë kosovar me shtetësi gjermane, i cili në veturën e tij kishte 24 pistoleta 9 mm.
“Pas një pune hetimore është arrestuar i dyshuari mashkull shtetas gjerman pasi që në veturën e tij gjatë kontrollit janë gjetur dhe sekuestruar 24 (njëzet e katër) pistoleta, vetura dhe 650 (gjashtë qind e pesëdhjetë) euro”, njofton policia në raportin 24 orësh.
Po ashtu në lidhje me rastin, sipas njoftimit, janë kryer edhe dy bastisje, janë arrestuar edhe dy të dyshuar meshkuj kosovarë dhe janë sekuestruar edhe tre telefona dhe një DVR.
Me vendim të prokurorit të dyshuarit janë dërguar në mbajtje, thuhet në njoftim.
E sipas një njoftimi të hershëm të policisë, revolet janë të tipit Zoraki 9 mm, të modifikuara nga lloji i armës me plumba me gas, në armë me fishekë zjarri.
