Nënkryetarja e PDK-së, Vlora Çitaku i ka reaguar kryeministrit Albin Kurti, rreth deklarimit të tij për liberalizimin e vizave për Kosovën.
“Pas një pune të gjatë posaçërisht këto dy vitet e fundit, qytetarët e Kosovës më në fund do të lëvizin pa viza, paska thënë Kurti. Kryeministër, kontributi i juaj i vetëm në procesin e liberalizimit të vizave ka qenë gazi lotsjellës në parlamentin e Republikës dhe kauzat e rreme rreth demarkacionit. Ju dhe LVV nuk e keni votuar as pakon ligjore që i ka paraprirë këtij procesi. Njëjtë nuk e keni votuar as MSA-në”, ka shkruar ajo në ‘Facebook”.
Sipas saj, Komisioni Evropian e ka dhënë rekomandimin për liberalizimin e vizave shumë vite para se ju të vini në pushtet. “Mos i fyeni qindra shërbyes civil të cilët kanë punuar me shumë zell e përkushtim”, tha ajo.
