Policia ka bërë të ditur se dy persona janë arrestuar pasi dyshohen se tentuan të dërgojnë armë nga Kosova në Gjermani.
Të dyshuarit, sipas policisë, kanë tentuar që përmes autobusit që shkonte në Gjermani të transportonte armët duke i futur në qese të çajit. Policia ka gjetur tetë pistoleta në to.
“Janë arrestuar dy të dyshuar meshkuj kosovarë pasi të njëjtit kanë tentuar që përmes një agjensioni transportues me autobus të realizojnë një dërgesë për Gjermani në të cilën dyshohej se kishte armë zjarri. Njësitet policore gjatë kontrollit në dërgesë-çantë në dy qese të çajit kanë gjetur dhe sekuestruar: 8 pistoleta të tipit Zoraki, 11 fishekë cal-7.65 mm dhe 10 fishekë cal-6.35 mm. Në konsultim me prokurorin, është bastisur edhe shtëpia e të dyshuarve por nuk është gjetur asgjë e dyshuar. Të dyshuarit pas intervistimit me vendim të prokurorit janë dërguar në mbajtje”, thuhet në raportin ditor të policisë.
