Kryeministri i Shqipërisë, Edi Rama ka theksuar se Shqipëria ndodhet në përgatitjet e fundit të një tjetër evenimenti të madh ndërkombëtar Samiti i Liderëve të Procesit të Berlinit, i cili do të zhvillohet për herë të parë jashtë kufijve të BE-së, në Tiranë.
Kryeministri Edi Rama ka thënë se kanë konfirmuar pjesëmarrjen Presidenti i Francës dhe Kancelari i Gjermanisë, Presidentja e Komisionit Europian, si edhe një sërë kryeministrash të vendeve anëtare të Bashkimit Evropian.
Në kuadër të këtij samiti javët e fundit janë mbajtur në Tiranë disa ministeriale përgatitore.
Procesi i Berlinit po zhvillohet me mbështetjen e Komisionit Evropian, institucioneve financiare ndërkombëtare dhe shteteve anëtare të përfshira në Proces – Gjermani, Francë, Austri, Kroaci, Itali, Slloveni dhe Mbretëria e Bashkuar, së bashku me vendet e Ballkanit Perëndimor.
