Ai drejtoi mbështetjen e Shteteve të Bashkuara për Gjykatën Penale Ndërkombëtare me bazë në Hagë për ish-Jugosllavinë, e cila ndihmoi në sjelljen para drejtësisë të atyre që ishin përgjegjës për krimet e luftës dhe krimet kundër njerëzimit.
James O’Brien është emëruar Ndihmës Sekretar i Shtetit i SHBA-së për Çështjet Evropiane dhe Euroaziatike.
Ai u propozua në këtë post nga presidenti amerikan Joe Biden , dhe tani O’Brien është konfirmuar zyrtarisht në Senatin amerikan.
– Milorad Dodik kontrollon qeverinë në një pjesë të Bosnjë-Hercegovinës. Ai dëshiron të kontrollojë burimet dhe gjithçka që vjen nga ato burime në atë zonë. Pra, ne kemi aftësinë për të reduktuar kontrollin e tij mbi paratë. Kjo është pjesërisht ajo që e bën atë të sfidojë proceset shtetërore.
Me kolegët tanë evropianë, me përfaqësuesin e lartë për zbatimin e Dejtonit, ia bëjmë të qartë se kjo që po bën është e papranueshme dhe se do të ketë pasoja të qarta dhe se duhet të fillojë të tërhiqet nga qëndrimet e tilla.
O’Brien ka shërbyer më parë në dy administrata amerikane si i dërguar special presidencial. Ai ishte këshilltar i lartë i ish-sekretares amerikane të shtetit, Madeleine Albright dhe i dërguari presidencial për Ballkanin.
Ai drejtoi një program të madh dhe të suksesshëm sanksionesh dhe këshilloi për një sërë çështjesh, duke përfshirë negociatat evropiane të paqes, marrëveshjet shkencore dhe mjedisore, tranzicionin post-sovjetik të Rusisë dhe Ukrainës dhe iniciativat për të hetuar dhe ndjekur penalisht ata që janë përgjegjës për krimet e luftës.
O’Brien u përfshi gjithashtu në gjetjen e një zgjidhjeje për t’i dhënë fund agresionit në Bosnje dhe Hercegovinë dhe ndihmoi në formulimin e Marrëveshjes së Dejtonit të vitit 1995, e cila i dha fund luftës.
Ai gjithashtu udhëhoqi mbështetjen e Shteteve të Bashkuara për Gjykatën Penale Ndërkombëtare me bazë në Hagë për ish-Jugosllavinë, e cila ndihmoi në sjelljen para drejtësisë të atyre që janë përgjegjës për krimet e luftës dhe krimet kundër njerëzimit.
