Komandanti i KFOR-t, gjeneralmajor Angelo Michele Ristuccia, është përgjigjur se kush është përgjegjës për mbajtjen e rendit dhe zbatim të ligjit.
“Sa i përket Policisë së Kosovës, zbatimi i ligjit dhe sundimi i ligjit nuk janë në mandatin tonë, në këtë rast ekziston një shtresë shumë e qartë e përgjegjësive, si e para, e dyta dhe treta, dhe ne jemi ata që përgjigjemi të tretët”, tha ai.
Ristuccia: KFOR-i ka kapacitet për mbajtur mjedis të sigurtë
(E plotësuar, ora 11:20) Komandanti i KFOR-t, gjeneralmajor Angelo Michele Ristuccia, sot në një konferencë për media tha se për misionin të cilin e udhëheq, ky vit ka qenë më disa vështirësi.
“KFOR-i ka vepruar në menaxhimin e përhershëm të krizës, ku disa gjëra kanë sfiduar stabilitetin si në Kosovë, po ashtu edhe gjithandej në rajonin e Ballkanit Perëndimor. Kjo krizë ka kërkuar orvatje të jashtëzakonshme ushtarake dhe diplomatike për të vendosur dhe krijuar një situatë më të balancuar”, tha ai, raporton RTKlive.
I pari i KFOR-it në Kosovë Ristuccia, ka përmendur sfidat që kanë qenë në Kosovë gjatë këtij viti. “Jemi ballafaquar më shumë vështirës, si çështja e targave, largimi i serbëve të Kosovës nga institucionet e Kosovës, organizimi i zgjedhjeve në komunat në veri, pastaj sulmet ndaj personelit të KFOR-it, si dhe sulmi i fundit me 24 shtator”, tha ai. Ristuccia tha se KFOR-i ka kapacitet për mbajtur mjedis të sigurtë.
