Presidenti i Bosnjës dhe Hercegovinës i entitetit të RS Milorad Dodik ka publikuar në Twitter detajet e takimit me presidentin e Turqisë, Rexhep Tajip Erdogan. Dodik është i vetmi politikan nga Bosnja dhe Hercegovina, së bashku me Zheljka Cvijanoviqin, e cila deri më tani është shpallur se do të marrë pjesë në kongresin e AK Partisë.
“Në takimin në Ankara, Rexhep Tajip Erdogan falënderoi për ardhjen në kongresin e AK-së dhe konfirmoi edhe një herë ardhjen e tij në Banja Luka gjatë vizitës së parë të radhës në Bosnje dhe Hercegovinë”, ka shkruar Dodik.
На састанку у Анкари @RTErdogan је захвалио на доласку на конгрес АK партије, те је још једном потврдио долазак у Бањалуку током прве наредне посјете БиХ.
Разговарали смо и о политичкој ситуацији у БиХ, pic.twitter.com/MgHQq7RJBJ
— Милорад Додик (@MiloradDodik) October 7, 2023
Ai tha se është biseduar edhe për situatën politike në Bosnje dhe Hercegovinë, si dhe për ndikimin e disa vendeve perëndimore në vendimet e politikanëve boshnjakë.“U konfirmua bashkëpunimi i shkëlqyer ekonomik ndërmjet Republikës Srpska dhe Republikës së Turqisë, si dhe vazhdimi i të gjitha projekteve të filluara dhe u paralajmëruan të reja”, tha Dodik.
Presidenti i RS Milorad Dodik dhe anëtarja e Presidencës së BiH, Zheljka Cvijanoviç po qëndrojnë në Ankara, ku po marrin pjesë në kongresin e Partisë AK.
Para takimit me Erdoganin, Dodik zhvilloi një takim me Hakan Fidan, ministrin e ri të jashtëm të Turqisë.
