Policia e Kosovës ka bërë të ditur se ka arrestuar të dielën një shtetase të Shqipërisë në magjistralen Ferizaj-Kaçanik , nën dyshimin se e njëjta ka fyer dhe sulmuar fizikisht zyrtarët policorë.
Sipas Policisë, rasti ka ndodhur derisa zyrtarët policorë e kishin ndaluar të dyshuarën pasi kishte shkaktuar kundërvajtje në komunikacion.
“Është arrestuar e dyshuara shtetase e Shqipërisë pasi e njëjta ka fyer dhe sulmuar fizikisht zyrtarët policor të cilët e kanë ndaluar pasi kishte shkaktuar kundërvajtje në komunikacion”, ka njoftuar Policia.
Tutje u bë e ditur se lidhur me rastin, si pasojë njëri nga viktimat ka pranuar tretman mjekësor.
E dyshuara pas intervistimit me vendim të prokurorit është liruar në procedurë të rregullt.
