Universiteti i Prishtinës “Hasan Prishtina” ka nënshkruar marrëveshje bashkëpunimi me Drake University në Iowa të Shteteve të Bashkuara të Amerikës.
Sipas njoftimit të UP-së, kjo marrëveshje shënon një hap të rëndësishëm drejt nxitjes së bashkëpunimit edukativ, kulturor dhe kërkimor midis dy institucioneve.
“Studentët dhe mësimëdhënësit tanë tani do të kenë mundësinë për t’u përfshirë në një gamë të gjerë aktivitetesh bashkëpunuese, të tilla si shkëmbimet e studentëve, stafit akademik dhe akademikëve në të gjitha nivelet e studimit, vizitat e fakulteteve, përpjekjet e përbashkëta kërkimore, pjesëmarrjen në seminare, konferenca dhe aktivitete të ndryshme akademike”, njofton UP.
