Më 16 Tetor në Tiranë do të mbahet samiti i Procesit të Berlinit. Kjo është hera e parë që ky samit zhvillohet jashtë vendeve të Bashkimit Europian.
Samiti do të zhvillohet në ambientet e Piramidës. Më 16 Tetor do të bëhet edhe inaugurimi përfundimtar i kësaj godine të rikonstruktuar dhe transformuar.
Pritet që të ketë edhe nënshkrime marrëveshjesh sa i përket kualifikimeve profesionale. Më pas do të ketë takime bilaterale, deri në orën 17:45. Rreth orës 18:00 është parashikuar edhe konferenca për shtyp.
Samiti i Procesit të Berlinit në Tiranë pritet që të mbyllet zyrtarisht pas inaugurimit të Piramidës.
Ndërkohë më 17 Tetor do të zhvillohet vizita e parë zyrtare e një Presidenti francez ku Emmanuel Macron pritet të takohet me kryeministrin Edi Rama. Deri më tani nuk ka një agjendë zyrtare sa i përket këtij takimi. /tvklan.al/
