Presidenti amerikan Joe Biden thuhet se i ka kërkuar kryeministrit izraelit Benjamin Netanyahu që të minimizojë viktimat civile gjatë ndërhyrjes në Rripin e Gazës , në një kohë kur Izraeli vazhdon sulmet masive ajrore dhe përgatitet për një inkursion të mundshëm në zonë në përgjigje të një sulmi terrorist nga Hamasi. Raporton Times of Israel. Izraeli”.
Biden ofroi mbështetjen e tij të plotë për Izraelin në një fjalim publik të martën që u duartrokit gjerësisht në Tel Aviv, por me sa duket pati një ton relativisht më të ekuilibruar në një telefonatë me Netanyahun të njëjtën ditë, sipas portalit izraelit.
Presidenti amerikan ishte më i drejtpërdrejtë se në thirrjet e mëparshme se ushtria izraelite duhet të punojë për të shmangur viktimat civile, raporton NBC, duke cituar dy zyrtarë amerikanë.
Në të njëjtën kohë, SHBA po punon me Egjiptin për të krijuar një korridor humanitar për civilët palestinezë, si dhe për disa qindra qytetarë amerikanë nga Rripi i Gazës, sipas NBC News.
Ministri izraelit i Mbrojtjes Yoav Galan urdhëroi një rrethim të Gazës, duke përfshirë ndalimin e furnizimit me energji elektrike, ushqim dhe ujë.
Ushtria izraelite ka bombarduar vendkalimin Rafah, duke bllokuar të vetmen dalje tokësore nga kjo enklavë palestineze drejt Egjiptit, duke ndërlikuar përpjekjet për krijimin e një korridori humanitar.
