Mbrëmë rreth orës 22:00, policët e stacionit në Ferizaj kanë pranuar një informacion se një person në një qendër tregtare në rrugën “Brahim Ademi” kishte vjedhur disa artikuj ushqimor. Menjëherë pas njoftimit, policia i ka marrë veprimet e nevojshme, dhe nën autorizim të prokurorit kujdestar i ka nisur hetimet.
“Policët hetues pas një pune intensive hetimore, grumbullimit të informacioneve në terren, shikimit të kamerave të sigurisë, kanë arritur që të sigurojnë prova të mjaftueshme dhe të identifikojnë të dyshuarin I.D (M/K) i moshës 33 vjeçar, i cili dyshohet se ka kryer vjedhjen e disa artikujve ushqimor në vlerë prej 175 eurove”, thuhet në njoftim.
Sipas policisë, i dyshuari I.D, rreth orës 23:45 është arrestuar dhe është shoqëruar në stacionin e policisë në Ferizaj dhe pas intervistimit të tij nga policët hetues, në prani edhe të avokatit mbrojtës, me vendim të prokurorit të shtetit është ndaluar në mbajtje për 48 orë, për procedura të mëtejme hetimore.
I njëjti dyshohet edhe për disa vjedhjeve të tjera të kryera më herët, njofton policia.
