Gjykata Speciale ka aprovuar kërkesën e Hysni Gucatit për lirim të parakohshëm nga burgu në Hagë.
Këtë lajm e ka konfirmuar Faton Klinaku, ushtrues detyre i kryetarit të OVL të UÇK-së. Sipas tij, këtë lajm e ka marrë dje nga avokatët e Gucatit.
Ndërkaq, për Nasim Haradinajn, ai tha se ende nuk është marrë asnjë vendim, por që janë në pritje.
Më 18 maj të vitit të kaluar, Gucati e Haradinaj ishin dënuar nga Gjykata Speciale me 4 vjet e gjysmë burgim.
Gucati dhe Haradianj ishin shpallur fajtor për pikat si: pengim i personave zyrtarë në kryerjen e detyrave zyrtare, frikësim gjatë procedurës penale, shkelje të fshehtësisë dhe zbulim të identitetit apo të dhënave personale.
