Në Aeroportin Ndërkombëtar të Filadelfisë, një oficer policie u vra dhe një tjetër u plagos gjatë një konfrontimi me një grup burrash që u përpoqën të grabisnin një makinë në garazh.
Policia lokale njoftoi se dy policë kanë mbërritur në punë kur kanë parë disa burra në garazh të cilët kanë tentuar të hyjnë në një automjet, raporton AP.
Kur i janë afruar, të dyshuarit kanë qëlluar në drejtim të policëve, duke e goditur njërin disa herë në pjesën e sipërme të trupit dhe tjetrin në krah.
Emri i policit të vrarë nuk bëhet i ditur, por mësohet se ai ishte 50 vjeç dhe punonte në polici prej 22 vitesh.
Oficeri tjetër është në gjendje stabile.
