Më shumë se 1300 ndërtesa u shkatërruan plotësisht në Rripin e Gazës në një javë të bombardimeve intensive izraelite, njoftoi sot OKB.
Zyra e OKB-së për Koordinimin e Çështjeve Humanitare (OCHA) njoftoi se 5,540 shtëpi u shkatërruan, ndërsa 3,750 të tjera u dëmtuan aq shumë sa nuk ishin të përshtatshme për banim, raportoi AFP.
Të premten, Izraeli urdhëroi evakuimin e më shumë se një milion njerëzve nga veriu i Rripit të Gazës në jug dhe me sa duket po përgatit një ofensivë tokësore, në të cilën mund të priten më shumë viktima nga të dyja palët dhe shkatërrime.
Më shumë se 3000 njerëz janë vrarë që nga fillimi i sulmit të Hamasit ndaj Izraelit një javë më parë.
