Instituti Hidrometeorologjik i Kosovës ka njoftuar se të hënën do të mbajë mot me diell dhe pjesërisht i vranët, ku temperaturat minimale do të lëvizin ndërmjet 3-8 gradë celsius, e ato maksimalet ndërmjet 11-16 gradë.
Sipas IHMK-së, mot i vranët dhe me shi do të mbajë të martën, ku temperaturat do të lëvizin ndërmjet 0-3 gradë, e maksimalet deri në 12 gradë.
Parashikimi i motit për pesë ditë
E hënë-Mot me diell dhe pjesërisht i vranët. Temperaturat minimale do të lëvizin ndërmjet 3-8gradë Celsius, ndërsa maksimalet e ditës parashihen të lëvizin ndërmjet 11-16 gradë Celsius.
E martë – Mot kryesisht i vranët dhe me reshje shiu. Temperaturat minimale do të lëvizin ndërmjet 0-3 gradë Celsius, ndërsa maksimalet e ditës parashihen të lëvizin ndërmjet 9-12 gradë Celsius.
E mërkurë- Do të mbajë mot me vranësira dhe intervale me diell. Vranësirat vende-vende mund të sjellin riga shiu. Temperaturat minimale do të lëvizin ndërmjet 3-5 gradë Celsius, ndërsa maksimalet e ditës parashihen të lëvizin ndërmjet 13-16 gradë Celsius.
E enjte-Mot me diell dhe vranësira të shpërndara. Temperaturat minimale do të lëvizin ndërmjet 5-7 gradë Celsius, ndërsa maksimalet e ditës parashihen të lëvizin ndërmjet 18-22 gradë Celsius.Do të fryjë erë e lehtë deri mesatare nga drejtimi i juglindjes.
E premte- Mot kryesisht i qetë. Temperaturat minimale do të lëvizin ndërmjet 5-9 gradë Celsius, ndërsa maksimalet e ditës parashihen të lëvizin ndërmjet 22-26gradë Celsius.
Gjatë këtyre pesë ditëve të parashikimit do të fryjë erë nga verilindja dhe jugperëndimi me shpejtësi 1-11m/s.
IHMK njofton se sonte pas mesnatës parashihen të vijnë reshjet e shiut të cilat do të shoqërohen me rënie të dukshme të temperaturave në të dy vlerat ekstreme, ndërsa në viset malore me lartësi mbi 1800m mund të bien edhe fjollat e para të borës.
