Këshilli Global i Imamëve (GIC), me seli në Seminarin Islamik të Naxhafit, Irak, i përbërë nga mbi 1,470 imamë dhe dijetarë myslimanë nga të gjitha besimet dhe sektet islame, dënon me gjuhën më të ashpër aktet barbare dhe terroriste të kryera nga Hamasi kundër hebrenjve, civilëve të krishterë dhe myslimanë në shtetin hebre.
“Ne shprehim ngushëllimet tona për familjet e viktimave dhe i bëjmë thirrje komunitetit ndërkombëtar, të përfaqësuar nga liderët botërorë dhe fetarë, të qëndrojë me popullin hebre në luftën kundër terrorizmit islamik, të ngjashëm me ISIS-in, nga ana e Hamasit”, thuhet në komunikatën e Këshillit Global të Imamëve.
Këshilli Global i Imamëve ka qëndruar vazhdimisht kundër Hamasit, antisemitizmit të tij gjenocidal dhe ideologjisë asgjësuese. Sot, ne qëndrojmë edhe një herë në solidaritet me kombin hebre gjatë kësaj kohe të vështirë dhe e bëjmë të qartë pozicionin tonë:
1. Këshilli Global i Imamëve (GIC), anëtarët tanë dhe mbi 800 komunitetet e udhëhequra nga imamët tanë në mbarë botën, respektojnë fetvanën e lëshuar kundër Hamasit nga Këshilli Islamik i Fetvasë më 9 mars 2023, duke e akuzuar Hamasin për korrupsion dhe krime kundër njerëzimit. GIC kërkon që t’u ndalohet muslimanëve që të mbështesin, dhurojnë, t’i bashkohen ose luten për organizatën terroriste. GIC është krenare që ka propozuar fetvanën kundër Hamasit në Këshillin Islamik të Fetvasë dhe ka kontribuar në Dokumentin e tij të Rezolutës që përshkruan akuzat ligjore islame kundër Hamasit. Sot, në përputhje me këtë Fetva, Hamasit i ndalohet të veprojë dhe të mbledhë fonde në Seminarin Islamik, siç kishte bërë në të kaluarën.
3. GIC ka një politikë të tolerancës zero në lidhje me islamizmin në çdo variacion të tij. Çdo individ, vizitor ose adhurues që gjendet duke mbështetur Hamasin në xhami, qendra islamike ose institucione që veprojnë nën kuadrin e Këshillit Global të Imamëve do të dënohet publikisht, do të nxjerret jashtë nga këto institucione dhe do të largohen në bashkë rendim me autoritetet ligjore lokale. Po kështu, çdo anëtar i çdo kongregacioni të GIC që gjendet duke marrë pjesë në protesta/procese/marshime në mbështetje të Hamasit ose aleatëve të tij – në çfarëdo mënyre e forme – do të dënohet publikisht dhe do të ndalohet të hyjë në çdo vend të GIC.
4. GIC është vazhdimisht në kontakt me Ajatollahët dhe Myftinjtë në të gjithë Lindjen e Mesme, duke u ofruar atyre informacione të besueshme në lidhje me terrorizmin e Hamasit. Kjo siguron që juristët të mos lëshojnë fetva dhe direktiva të bazuara në informacione të rreme ose të pasakta të përhapura nga rrjete që e mbështesin Hamasin.
5. GIC dënon retorikën ekstremiste dhe të dhunshme të shfaqur në mitingjet që zhvillohen në Evropë, Kanada, SHBA, Australi dhe gjetkë, ku flamujt e organizatave të caktuara terroriste janë ngritur dhe shoqëruar me thirrje gjenocidale kundër popullit hebre.
6. Udhëheqësia e Këshillit Global të Imamëve do të dërgojë një sërë delegacionesh në komunitetet hebraike, duke ofruar mbështetjen tonë të palëkundur përballë Hamasit dhe aleatëve të tij.
Në vitin 2020, dhe para Akordeve Abraham, GIC ishte Këshilli i parë i Imamëve që miratoi Përkufizimin e përcaktuar nga IHRA për Antisemitizmin, në bashkëpunim me të Dërguarin Special të Departamentit të Shtetit të SHBA-së për Monitorimin dhe Luftimin e Antisemitizmit. Ne mbetemi të përkushtuar për të luftuar të gjitha format e ekstremizmit islamik dhe terrorizmit.
Nënshkruesit:
1) Bordi Drejtues i GIC
2) Komiteti i Imamëve të Lartë
3) Komiteti Këshilues i GIC
4) Anëtarët e Këshillit të Përgjithshëm të GIC
5) Këshilli për Shqetësimt Imediate të GIC (209 anëtarë, përfaqësojnë 38 shtete)
