Pas disa rasteve të helmimeve në qytete të ndryshme, Agjencia e Ushqimit dhe Veterinarisë ka vazhduar aksionet, të cilat kanë rezultuar me mbylljen e 5 lokaleve ushqimore në Prizren e Malishevë.
“Përmes 6 ekipeve inspektuese të udhëhequra nga koordinatori i zyrës regjionale të AUV-së në Prizren është arritur të realizohen 28 inspektime të detajuara sipas urdhërit të Ministrit të MBPZhR-së dhe Drejtorit Ekzekutivë të AUV-së”, ka konfirmuar Lamir Thaçi nga AUV.
Nga 19 inspektimet në Prizren dhe 9 inspektimet në Malishevë, përveç mbylljes së 5 lokaleve, janë inicuar edhe 6 lëndë kundervajtëse.
“Në dy raste janë shqiptuar gjoba mandatore. Po ashtu janë asgjësuar 4 kg produkte mishi, 33 kokrra vezë dhe 1 kg salcë (sosë). Aksionet do të vazhdojnë në gjithë territorin e vendit. Secili subjekt që vendos në treg produkte ushqimore në kundërshtim me rregullat ligjore do të sanksionohet”, njofton AUV.
