Kryeministri i Belgjikës, Alexander De Croo, e ka komentuar “sulmin e tmerrshëm” në Bruksel që kishte për cak qytetarët suedezë dhe që la dy qytetarë të vdekur të hënën mbrëma.
“Sapo ia kam shprehur ngushëllimet e mia të sinqerta kryeministrit suedez pas sulmit të sontëm të tmerrshëm ndaj qytetarëve suedezë në Bruksel”, shkroi De Croo në X, platforma dikur e quajtur Twitter.
“Mendjet tona janë me familjet dhe miqtë që humbën më të dashurit e tyre. Si partnerë të afërt, lufta kundër terrorizmit është e përbashkët”.
