Sekretari i Shtetit i Shteteve të Bashkuara, Antony Blinken, ka thënë se administrata e Presidentit Joe Biden nuk i mbështet propozimet për zhvendosjen masive të palestinezëve jashtë Gazës, ndërsa Izraeli zgjeron fushatën e tij ushtarake kundër Hamasit në zonë.
“Kam dëgjuar drejtpërdrejt nga presidenti i Autoritetit Palestinez, Abbas, dhe pothuajse çdo lider tjetër me të cilin kam folur në rajon se kjo ide është e papranueshme, kështu që ne nuk e mbështesim atë”, tha Blinken gjatë një interviste me Al Arabiya nga Kajro.
Ai shtoi se besonte se njerëzit duhet të jenë në gjendje të qëndrojnë në Gaza në shtëpitë e tyre, pasi u pyet se çfarë mendonte për propozimin për të zhvendosur palestinezët në Sinai.
“Por ne duam gjithashtu të sigurohemi që ata janë jashtë rrezikut dhe marrin ndihmën që u nevojitet,” thotë Blinken.
