Policia e Kosovës njofton se në fshatin Prilluzhë të Vushtrrisë janë zbuluar armë të zjarrit dhe mjeteve shpërthyese, të cilat ishin fshehur në një hapësirë ku hidhen mbeturinat.
Dëshmitari mashkull i kishte verifikuar atoduke mbledhur hekurina, teksa kishte njoftuar Policinë e Kosovës.
“Njësitë relevante policore kanë dalë në vendin e ngjarjes në të cilin vend janë gjetur: një pushkë automatike AK-47, një pushkë gjysmë automatike, tre karikatorë, 360 fishekë të kalibrit 7.62 mm, 4 granata dore dhe një tromblon. Në vendin e ngjarjes kanë dalë edhe njësitë relevante të FSK-së dhe KFOR-it”, njofton policia.
Mjetet shpërthyese janë tërheqë nga njësiti i FSK-së, kurse armët dhe municioni janë tërheqë nga njësitë policore. Lidhur me rastin është njoftuar prokurori i cili e ka bërë cilësimin e rastit dhe vazhdon të hetohet.
