Ministri i Brendshëm slloven Boshtjan Poklukar konfirmoi në programin N1 të Sllovenisë se Sllovenia do të pezullojë Shengenin dhe do të vendosë kontrolle kufitare në kufirin me Kroacinë dhe Hungarinë.Ai tha se për këtë tashmë ka njoftuar sot ministrat e brendshëm hungarez dhe kroat.
Sipas tij, ministria tashmë ka përgatitur një njoftim në përputhje me Kodin e Shengenit, të cilin Qeveria do ta miratojë nesër dhe më pas do ta dërgojë në Komisionin Evropian, transmeton Index.
“Ne shohim se çfarë ndodhi në Francë dhe Belgjikë. Sllovenia nuk është një përjashtim ,” paralajmëroi Poklukar, duke shtuar se ata duan të ofrojnë kontrolle shtesë parandaluese në rrugën e refugjatëve ballkanikë, raporton N1 Sllovenia .
Ministri slloven nuk ka dashur të tregojë se kur do të nisin policia me kontrollet në kufi, sepse hyrja ende nuk është diskutuar nga Qeveria dhe Komisioni Evropian.
“Unë besoj se ne po rrisim kështu sigurinë e Sllovenisë, e cila është në radhë të parë. Situata në Lindjen e Mesme është e ndërlikuar, ne duhet të bëjmë gjithçka që jemi të detyruar të bëjmë për sigurinë e Sllovenisë,” vuri në dukje Poklukar .
