Deputeti nga radhët e Partisë Demokratike të Kosovës, Rashti Qalaj, ka reaguar për mendimin juridik të Gjykatës Supreme të Kosovës lidhur me shpërblimet e shujtës ditore, si dhe shtesave të tjera për Policinë e Kosovës.
Ai, përmes rrjetit social Facebook, ka thënë se Qeveria e Kosovës, krahas pagesës për rrezikshmëri, Policisë së Kosovës, duhet t’i paguaj edhe shtesat tjera, si: sigurimin shëndetësor, pensionimin e parakohshëm, pagëne 13, shtesa në pagë për kualifikim shkollor, pagën jubilare, etj.
“Gjykata Supreme e Kosovës ka dhënë një mendim juridik për shpërblimin e shujtës ditore për Policinë e Kosovës , pagës së 13, shtesat në pagë për kualifikimin shkollor dhe pagën jubilare në Policinë e Kosovës.Qeveria e Kosovës krahas pagesës se shtesave për rrezikshmëri , sigurimit shëndetësor dhe pensionimin e parakohshëm, duhet t’i paguaj edhe këto shtesa për Policinë e Kosovës!”, ka shkruar Qalaj, në Facebook.
