Policia e Kosovës ka bërë të ditur se ka arrestuar dy vajza të premten në fshatin Penuhë të Podujevës, pasi dyshohen për sulm ndaj personit zyrtar.
Sipas policisë, të njëjtat në shenjë pakënaqësie me shqiptimin e një gjobe për kundërvajtje në trafik, kanë penguar dhe sulmuar fizikisht zyrtarët policorë.
“Janë arrestuar dy të dyshuara femra kosovare pasi të njëjtat në shenjë pakënaqësie me shqiptimin e një gjobe për kundërvajtje në trafik, kanë penguar dhe sulmuar fizikisht zyrtarët policorë”, thuhet në raportin policor.
Si pasojë e sulmit bëhet e ditur se njëri nga zyrtarët policor ka pësuar lëndime trupore dhe ka pranuar tretman mjekësor.
“Me vendim të prokurorit të dyshuarat janë liruar, rasti vazhdon në procedurë të rregullt”.
