Një zjarr ka rënë sot në veri të Korfuzit dhe qytetarëve iu kërkua të evakuohen në portin e Agios Stefanos, raportojnë mediat greke.
Zjarri ka rënë në një zonë pyjore midis fshatrave Agios Stefanos dhe Avliotes, pranë një zone të banuar, ndërkohë që fryjnë erëra të forta, tha shërbimi grek i zjarrfikësve.
Siç shtojnë ata, për këtë arsye është dërguar një mesazh për të kryer evakuim në veri të këtij ishulli grek, raporton Kathimerini,
Banesat janë të kërcënuara, dhe era vështirëson shuarjen e zjarrit, sipas ERT.
Kathimerini raporton duke iu referuar dëshmitarëve okularë se zjarri duket se ka rënë në tre vende të ndryshme.
Në vendngjarje kanë shkuar 32 zjarrfikëse me 16 makina zjarrfikëse, ndërsa katër avionë dhe një helikopter po shuajnë zjarrin.
