Ngritja e statujës së këngëtares së madhe Nexhmije Pagarusha në vendlindjen e vet, Pagarushë, ka shkaktuar reagime gëzimi në krejt hapësirën shqiptare ku jetojnë dhe adhurojnë fansat e ” bilbilit të Kosovës”. Artistja e madhe është e njphir në gjithë trojet e veçanëriaht në Shqipëri. Por një artist i veçantë, i famshëm si ” Princ i Polifonisë shqiptare”, poeti Lefter Çipa disa vite më parë, ndërsa ishte në jetë, i pat kushtuar një poezi-këngë Pagarushës.
Poeti i ndjerë mik me pjestarë të familjes Pagarusha, vëllain e Nexhmijes, jetonte në Himarë. Ai ka botuar 20 libra, mes të cilëve edhe dy vëllime me tekstet e këngëve të famshme qytetare vlonjate dhe të grupeve të polifonike si të Pilurit, Himarës, Vlorës, Gjirokastrës e Tepelenës. Poeti Lefter Çipa ndër të tjera ka edhe dy libra me poema dhe poezi për Kosovën. Ndjenja dhe dashuria e tij për Kosovën, historinë dhe trashëgiminë shqiptare në këto troje, apikat edhe përmes kontakteve dhe lidhjeve që i krijoi me figura të ndritura të Prishtinës si Adem Demaçi, Ali Podrime etj.
Në poezinë këngë për Pagarushën, poeti i Bregut të Detit shqiptar, autori i “Këngët e Atdheut tim”, jo vetëm i thur himn këngëtares për talentin dhe zërin e saj, por veçanërisht për atë se ajo ” me zërin e vet të rrallë bëri zgjime përmes artit”./I.Krasniqi
Ti bukurinë ta ka kënga
Lefter Çipa*
( Kenge e pakenduar per ditelindjen e kengetores se kombit Nexhmije Pagarusha)
Nexhmie të aspiroi kënga,
bukurinë ta ka zëmra.
E paç jetën sa bjeshka
Se ti je bora, se ti je hëna..
Si nuse e ardhur nga bjeshka
Nëpër malle të argjenda.
O mjaltë e gjakut që bën bleta,
Për dashurinë e puthjeve të ëmbla.
O merak i dehjes nga vera
Marton perëndi të tëra.
O shtizë e Vlorës që puth era,
Nuse me zjarre në rëmba.
Si mëngjes zgjimi që qesh vetulla.
Në atë vetull, bilbil tu bëfsha!
Se ti je kënga, se ti je pena,
Kosova, jeleku dhe lahuta.
Pagarushë – Pagarushe,
Këngë shpirti, buze, ëndërre.
* Nderi i KombitPoeti Lefter Çipa e la një këngë për statujën e ardhme të Nexhmije Pagarushës
