Frika po rritet se konflikti midis Izraelit dhe Hezbollahut mund të përshkallëzohet deri në pikën që të bëhet “i pandalshëm”, sipas korrespondentit britanik të Sky News, Alex Rossi.Disa në qeverinë izraelite besojnë se është koha për të hapur një front verior në Liban, ndërsa të tjerë mendojnë se një luftë në dy fronte nuk është e mirë për Izraelin.
Në tri ditët e fundit është rritur intensiteti i luftimeve në kufirin mes Libanit dhe Izraelit, ka shtuar Rossi, transmeton Raport.Vetëm në 24 orët e fundit u vranë 11 ushtarë të IDF dhe Hezbollahut dhe Izraeli filloi të përdorte aviacionin në këto konflikte.
“Frika më e madhe këtu është se ky konflikt mund të bëhet i pandalshëm. Askush nuk mund ta ndalojë më”, tha Rossi.
Ai shtoi se Hezbollahu është shumë i fuqishëm dhe ka aftësinë të godasë çdo pjesë të Izraelit me raketa.
Izraeli deri më tani ka evakuuar më shumë se 100,000 njerëz nga veriu i vendit nga frika se konflikti mund të përshkallëzohet.
“Mos u gënjeni, ky është një moment shumë i rrezikshëm në kufirin e dy vendeve dhe nuk e dimë se në cilin drejtim do të shkojnë gjërat”, shtoi Rossi.
