Kryetari i Komisionit Parlamentar për Kosovë ne Kuvendin e Serbise , Milovan Drecun, ka thënë se nga deklarata e të dërguarit të posaçëm të BE-së për dialogun ndërmjet Beogradit dhe Prishtinës, Miroslav Lajçak, mund të konstatohet se peseshja ka një plan të ri për zhbllokimin e dialogut ndërmjet Beogradit dhe Prishtinës. Beogradi dhe Prishtina , raporton RTV.
– Ai plan i ri ka për qëllim përparimin dhe realizimin, siç thonë ata, të zbatimit të marrëveshjes bazë për normalizim dhe aneksit nga Ohri. Për ne është ende vetëm një propozim për një marrëveshje për normalizim, dhe ka të bëjë me de-përshkallëzimin e situatës” tha Drecun për Tanjug
Siç theksoi ai, nga deklarata e Lajçakut mund të nxirret përfundimi se ata kanë një plan të ri se si ta zhbllokojnë dialogun e bllokuar, si të realizojnë se cili është qëllimi i tyre strategjik, për të cilin foli edhe presidenti i Serbisë, Aleksandar Vuçiq.
Qëllimet e atij plani të ri janë krejtësisht të ndryshme kur është fjala për Beogradin në njërën anë dhe në anën tjetër Prishtinën dhe këto katër-pesë shtete kryesore perëndimore”, tha Drecun.
Drecun theksoi se qëllimi i tyre është strategjik, “dhe se duan ta detyrojnë Serbinë të njohë shtetin e rremë të Kosovës”.
Ky është qëllimi i Prishtinës dhe prandaj Kurti thotë se insiston që të bisedohet sa më shumë që të zbatohet ajo që ata e quajnë marrëveshje, e ajo që ne themi nuk është marrëveshje për ne”, tha Drecun .
Ai shpjegoi se këtë synim duan ta përmbushin në dy faza.
– Faza e parë ka të bëjë me propozimin e marrëveshjes bazë dhe ka të bëjë me mundësimin e shtetit të “rremë” të Kosovës që të anëtarësohet në të gjitha organizatat ndërkombëtare, që Beogradi nuk i kundërshton dhe që ne i trajtojmë si një lloj shteti, d.m.th. njohin ato de facto. Në fazën e dytë synohet të arrihet një marrëveshje ligjërisht obligative për normalizimin e marrëdhënieve, e cila do të përfshinte një njohje të përcaktuar ligjërisht, pra të ndjekim njohjen e shtetit të rremë të Kosovës – tha Drecun .
Ai po ashtu ka theksuar se nga deklaratat nga perëndimi mund të konstatohet se Asociacioni i Komunave Serbe duhet të formohet pa vonesë.
“Deklarata e dytë lidhet me atë që ndodhi në Banjska dhe se Beogradi duhet të marrë pjesë aktive në hetim. Pala jonë tashmë po punon për të siguruar që përgjegjësit duhet të ndëshkohen” tha Drecun.
