Shefja e Grupit Parlamentar të Levizjes Vetëvendosje, Mimoza Kusrai-Lila, ka deklaruar se nuk ka informacione që pesë diplomatët që ishin në vizitë të shtunën të kenë dhënë afat për Kosovën për ndonjë marrëveshje. Kurse opozita I ka kërkuar Kurtit të dalë me sqarim për kërkesat e pesëshes evropiane dhe amerikane, si dhe të bashkërendoj politikën e vet strategjike me akterët ndërkombëtar ne veçanti me amerikanë.
Shefja e Grupit Parlamentar të LVV-së, Mimoza Kusrai-Lila, ka thënë se nuk ka informacione që pesë diplomatët që ishin në vizitë të shtunën të kenë dhënë afat për Kosovën për ndonjë marrëveshje.
Por, ajo tha se është e rëndë deklarata e të dërguarit special të BE-së për dialogun Miroslav Lajçak, i cili potencoi se asgjë nuk ka ndryshuar në procesin e dialogut sa i përket sulmit pas 24 shtatorit.
“Nuk kam informacion se ka ultimatum dhe që afati është të etjen. Sa i përket deklarimit të Lajçakut pak me e rënd është deklarata se asgjë nuk ka ndryshuar pas 24 shtatorit. Natyrisht se Kosova ka qenë e gatshme dhe ka treguar gatishmëri për dialog. Ne jemi të qëndrimi se 24 shtatori ka shënuar një kthesë të rëndësishme jo të mirë në procesin e dialogut”, ka theksuar ajo.
Kurse, shefi i Grupit Parlamentar i Partisë Demokratike të Kosovës Abelard Tahiri tha se i bëjmë thirrje kryeministrit të Kosovës që të ketë koordimin sa më të ngushtë me aleatët strategjik të Kosovës e në veçanti me Shtetet e Bashkuara të Amerikës.
“Ne po kërkojmë hetim ndërkombëtar dhe angazhim më të madh të ShBA-së, sa i përket sulmit terrorist që kemi pësuar me 24 shtator në Banjsko, dhe në anën tjetër duhet të kemi një bashkëpunim sa më të afërt e më të ngushtë me ta edhe për sensibilizimin më të madh të këtij sulmi që ka ndodhë në vendin tonë”, tha Tahiri.
Po ashtu Abelard Tahiri tha se kryeministri Albin Kurti do të duhej që pas takimit më pesë emisarët të deklarohej për medie e të jepte më shumë detaje për qytetarët, duke shtuar se një sqarim të tillë, kreu i Qeverisë, ia ka borxh qytetarëve.
“Kryeministri i’u ka borxh të gjithë qytetarëve që të mbajë një konferencë dhe të flas për qëndrimin e tij në lidhje me atë vizitë. Gjëja e parë që kryeministri duhet ta bëjë është ta dimë se ku qëndron vendi jonë nga këto kërkesa”, tha ai.
Tahiri: Kosova duhet që të bashkërendoj politikën e vet strategjike me akterët ndërkombëtar ne veçanti me amerikanë
E shefi i Grupit Parlamentar të Aleancës për Ardhmërinë e Kosovës, Besnik Tahiri tha se ata kanë adresuar dy kërkesa në mbledhjen e sotme të kryesisë së kuvendit e të cilat ai thotë se janë miratuar nga kryesia.
“E para ka të bëjë më seancën ë jashtëzakonshme për ngritjen e koeficientit e pagave nga 105 në 129 euro, ku i kemi mbledh nënshkrimet dhe jemi duke punuar që të kemi një mbështetje prej krejt kuvendit në raport me këtë temë në raport me këtë temë, ta diskutojmë edhe tekstin e qëndrimit dhe argumentimit tonë dhe shpresoj që rezoluta e cila e ka vetëm një pikë dhe kërkon ngritjen e koeficientit do të bëhet realitet, kurse kërkesa e dytë e AAK-së ka qenë që Parlamenti i Kosovës të miratojë një deklaratë në të cilin e mbështetë rezolutën e Parlamentit Evropian që i ka 28 pika mirë të elaboruara, dhe në këtë rezolutë këtë deklaratë tonën edhe një herë ti kërkojmë disa çështje, e para hetimi ndërkombëtar të ndodhë për me pa involvimin e shtetit serb në këtë temë, e dyta që të rikonfirmohet edhe një here drejtimi ynë pro integrimit evropian, në NATO dhe në BE, dhe e treta që vendet anëtare të BE-së të gjitha ta dënojnë aktin e involvimit të Serbisë në sulmin terrorist, dhe mbi të gjitha të përmbyllet një qëndrim-deklaratë e kuvendit të Kosovës në shenjë mirënjohje dhe respekti për rezolutën më të fuqishme deri me tani të BE-së”, tha Tahiri.
Tahiri shtoi se rrugëtimin e Kosovës nuk mund ta ndal as Lajçaku e as ndonjë institucion tjetër, duke theksuar se ky është një zotim kombëtar. Tutje ai tha se Kosova duhet që të bashkërendoj politikën e vet strategjike me akterët ndërkombëtar në veçanti amerikanë e BE.
“Obligimet që i ka marrë duhet t’i realizoi pa e dëmtuar sovranitetin dhe interesin e vendit, për shkak se rrugëtimi ynë në NATO dhe BE është jetik për kombin tonë”, tha Tahiri.
Ndryshe, këtë javë do të mbahen tri seanca të Kuvendit të Kosovës, kështu ka vendosur Kryesia e Kuvendit në mbledhjen e sotme.
Pas mbledhjes së kryesisë në konferencë për media foli Mimoza kusari-Lila e cila tha se nga mbledhja e rregullt e Kryesisë së Kuvendit u dakordua që të mbahen tri seanca.
“E para seancë do të jetë ajo e 26 tetorit ditën e enjte me fillim në ora 10:00, seancë e cila do të trajtojë pikat e pa përfunduara nga dy seancat tjera e 28 shtatorit dhe e 4 tetorit, ndërsa në të njëjtën ditë me fillim në ora 12:00, do të filloj një seancë tjetër e cila është kërkesë e deputetëve të opozitës me 41 nënshkrime, e cila do të trajtoi një rezolutë për koeficientin e pagave në sektorin publik. Për derisa kryesia është dakorduar që seancë të mbajë edhe të premten me fillim në ora 11:00 ku në këtë seancë do të diskutohet dhe do ti jepet mbështetje të mëtutjeshme rezolutës së miratuar në Parlamentin Evropian lidhur me ngjarjet e 24 shtatorit”, tha Kusari-Lila.
