Serbia është edhe një herë i vetmi vend kandidat për në BE në Ballkanin Perëndimor që nuk respektoi vendimin e ri të politikës së jashtme të Këshillit të BE-së në lidhje me masat kufizuese për shkak të luftës në Ukrainë.
Siç njoftoi sot Përfaqësuesi i Lartë i BE-së për Politikë të Jashtme dhe Siguri, Josep Borrell, më 28 shtator, Këshilli i BE-së miratoi Vendimin (CFSP) 2023/2097 për masat kufizuese për shkak të veprimeve ruse që destabilizojnë situatën në Ukrainë.
Të gjitha vendet kandidate për anëtarësim në BE nga Ballkani Perëndimor – Maqedonia e Veriut, Mali i Zi, Shqipëria dhe Bosnja dhe Hercegovina – janë rreshtuar me këtë vendim dhe do të sigurojnë që politikat e tyre kombëtare të jenë në përputhje me të, dhe BE-ja e merr parasysh këtë detyrim dhe mirëpret thuhet në komunikatën për shtyp të transmetuar nga Beta.
