Ndeshja e paraparë të luhej më 15 tetor në kuadër të eliminatoreve për Kampionatin Evropian 2024, në mes të Kosovës dhe Izraelit, do të zhvillohet më 12 nëntor, ka vendosur FIFA.
Takimi ishte shtyrë për shkak të shpërthimit të luftës në Izrael dy javë më herët.
UEFA pati vendosur që ndeshjet e kombëtares së Izraelit të shtyheshin për shkak të gjendjes.
Në Grupin I të kualifikimeve për “Euro 2024” udhëheq Rumania me 16 pikë nga tetë ndeshje. 15 pikë nga shtatë ndeshje i ka Zvicra. I treti është Izraeli me 11 pikë nga gjashtë ndeshje. Pason Kosova me shtatë pikë nga shtatë ndeshje, derisa Bjellorusia ka gjashtë pikë nga tetë ndeshje. Grupin e mbyll Andorra që i ka vetëm dy pikë.
