Pse Vuçiq e dekoron sot Riçard Grenelin?

Grenel do të nderohet për meritat e shquara në zhvillimin dhe forcimin e bashkëpunimit paqësor dhe marrëdhënieve miqësore ndërmjet Serbisë dhe Shteteve të Bashkuara të Amerikës, thuhet në njoftimin nga presidenca e Serbise.
Grenell, i cili është emëruar nga ish-presidenti amerikan Donald Trump në postin e të dërguarit të tij për Ballkanin, po qëndron në Beograd, ndërsa dje ka biseduar me ministrin e Mbrojtjes dhe presidentin e SNS-së, Miloshe Vuçeviq.
Pas takimit me të, Grenell ka shkruar në rrjetin IKs se ka dëgjuar drejtpërdrejt nga ministri i Mbrojtjes i Serbisë se Serbia e mirëpret praninë e më shumë trupave të NATO-s në Kosovë dhe se kanë reduktuar në mënyrë dramatike numrin e trupave serbe përgjatë kufirit të tyre.
“Ky është një lajm i madh. Albin Kurti dhe Vjosa Osmani tani duhet të zgjedhin datën e zgjedhjeve në veri dhe të formojnë Asociacionin e Komunave Serbe”, tha Grenel.
Vuçeviq ka bërë të ditur se ka pasur një “takim produktiv me Grenellin dhe se është diskutuar për situatën në Kosovë dhe Metohi dhe për të gjitha masat që Serbia ka marrë për deeskalimin dhe uljen e tensioneve”.