Presidenti i SHBA Joe Biden tha të mërkurën se një zgjidhje me dy shtete duhet të pasojë luftën midis Izraelit dhe Hamasit në Gaza, pa u kthyer në status quo që ekzistonte para sulmeve të 7 tetorit.“Kjo gjithashtu do të thotë se kur kjo krizë të përfundojë, duhet të ketë një vizion të asaj që vjen më pas dhe, sipas mendimit tonë, duhet të jetë një zgjidhje me dy shtete,” tha Biden.
Arritja e kësaj, shtoi ai, nënkupton një përpjekje të përqendruar nga të gjitha palët, izraelitë, palestinezë, partnerë rajonalë, liderë globalë, për të arritur paqen. Hamasi, tha Biden, nuk përfaqëson shumicën dërrmuese të popullit palestinez. Grupi militant përdor civilët palestinezë si “mburoja njerëzore”.
Ai theksoi gjithashtu nevojën që Izraeli të integrohet më shumë me Lindjen e Mesme pasi të zgjidhet konflikti. Ai tha se ka shpresë reale për një të ardhme më të mirë mes udhëheqësve të Lindjes së Mesme.
Biden tha se ai besonte se sulmi i Hamasit në fillim të këtij muaji ishte pjesërisht një përgjigje ndaj përpjekjeve të mbështetura nga SHBA për të normalizuar marrëdhëniet midis Arabisë Saudite dhe Izraelit.
“Jam i bindur se një nga arsyet pse Hamasi sulmoi kur ata sulmuan, nuk kam asnjë provë për këtë, instinktet e mia më thonë këtë, është për shkak të përparimit që kemi bërë drejt integrimit rajonal të Izraelit dhe integrimit rajonal në përgjithësi. ” tha Biden .
“Nuk mund ta lëmë atë punë pas”, shtoi ai.
