Kosova ze vendin e 80 në renditjen e sundimit të ligjit nga Projekti Botëror i Drejtësisë (WJP). Me keq se Kosova nga vendet e rajonit jane Maqedonia 94, Moldavia 96, Serbia 97 dhe Shqiperia 112. Pozicion me te mire nga vendet e rajonit zene Sllovenia 31,Rumania 44, Kroacia 50, Greqia 51, Bullgaria 59, BH 71, raporton Kosovatimes.
Pozicionin më të lartë e zë Estonia, e cila është në vendin e 9-të. Renditja kryesohet nga Danimarka, Norvegjia, Finlanda, Suedia, Gjermania, Luksemburgu, Holanda dhe Zelanda e Re. Tre vendet e fundit mbahen nga Venezuela, Kamboxhia dhe Afganistani.
Renditja vjetore e shtetit ligjor nga Projekti Botëror i Drejtësisë (WJP) është përpiluar në bazë të anketave të banorëve të vendit, kufizimet ne kompetencat e qeverise, mungesës së korrupsionit, në hapjen e qeverisë, për respektimin e të drejtave themelore të qytetarëve , për rendin dhe sigurinë , në praktikën e zbatimit të ligjit dhe procedurat civile dhe penale ./Kosovatimes
