Shkruan: Pal ShTUFI
Teokracia islamike, të cilës para shumë kohe ju kemi frikësuar se një ditë do bëhet realitet në Trojet e Arbrit, sot është shfaqur në Pejë. Nga maja e hierarkisë së shtetit – nga prokuroria!
Të hapen hetimet pse një grup njerëzish kërkojnë që vullnetarisht dhe pa kurrfarë dhune të braktiset një fe, kjo qartë dëshmon se Kosova ka rrëshqitur në teokraci.
Prej te gjitha paraqitjeve të iniciatorëve të lëvizjes për „braktisjen e islami“, as edhe një fjalë për dhunë ose urrejtje ndaj islamit, nuk është dëgjuar. As edhe një. Krejt çka dëgjuam, ishte kritika dhe pakënaqësia ndaj ndikimit të islamit politik në praktikimin e fesë, gjë të cilën po e bëjnë të gjithë njerëzit e arsyeshëm.
Çka flet e gjithë kjo?
Thjesht, sot është dita e parë e shfaqjes së shtetit teokratik. Sot, shteti teokratik është frikësuar se dikush do që ta pamundësoi fuqizimin e tij. Këtu nuk ka më dilemë.
Nëse ateistët, agnostikët, fetë e vogla dhe besimtarët jo-fetarë nuk vet-organizohen dhe nuk kërkojnë mbrojtjen nga fuqitë e Perëndimit, sot është ditëzeza e parë për jetën e mëtejme në Kosovë.
