Kryetari i sapozgjedhur i Dhomës së Përfaqësuesve, Mike Johnson, një republikan, tha të enjten se kërkesat për ndihmë ushtarake për Izraelin dhe Ukrainën duhet të jene te ndara.
Të enjten, Johnson vizitoi Shtëpinë e Bardhë për herë të parë si kryetar i dhomës së ulët të Kongresit, ku pati një bisedë të shkurtër me Joe Biden dhe anëtarët e administratës së tij. “I thashë Shtëpisë së Bardhë se konsensusi i përgjithshëm i republikanëve në Dhomën e Përfaqësuesve është se ne duhet t’i ndajmë këto çështje,” tha Johnson në Fox News të enjten vonë.
“Izraeli është një çështje më vete, ne do të paraqesim një projekt të veçantë për të financuar Izraelin në shumën prej më shumë se 14 miliardë dollarësh”, tha Johnson në një intervistë. Ai tha se republikanët e Dhomës do të kërkojnë fusha të tjera për të shkurtuar buxhetin në mënyrë që të gjejnë fonde shtesë për të mbështetur Izraelin.
Duke folur për financimin për Ukrainën, Johnson shtoi: “Ne duam të dimë se cili është qëllimi, cili është qëllimi përfundimtar në Ukrainë. Shtëpia e Bardhë nuk e ka parashikuar këtë.”
Javën e kaluar, presidenti amerikan Joe Biden dërgoi një kërkesë masive buxhetore prej 106 miliardë dollarësh në Kongres. Paketa përfshin 61 miliardë dollarë ndihmë ushtarake për Ukrainën, ndërsa pjesa tjetër do të ndahet midis Izraelit, Indo-Paqësorit dhe Patrullës Kufitare të SHBA.
Ndarja e fondeve supozon se Izraeli do të marrë ndihmë për lirimin e pengjeve dhe ofrimin e ndihmës humanitare për civilët e prekur nga konfrontimi i armatosur pas “sulmit të tmerrshëm terrorist të Hamasit”.
