Presidenti i Serbisë, Aleksandar Vuçiq, ishte i ftuar të dielën në TV Prva, ku iu përgjigj kritikave të shumta mediatike, por edhe akuzave të kundërshtarëve të tij opozitarë.
“Më sulmojnë se kam buzë të shëmtuara, nuk i kam bërë asgjë buzëve, fajin e ka nëna ime që më ka lindur kështu”. Është çështje gjenetike. Më akuzojnë se Fahri Musliu është babai im. Me këtë rast u them se babai im quhet Angjelko Vuçiq, e jo Fahri Musliu”, tha Aleksandar Vuçiq.
Fahri Musliu është gazetari shqiptar i cili për shumë vite ishte i punësuar në Radio Televizionin e Serbisë, ku ishte e punësuar edhe Angelina Vuçiq, nëna e presidentit të Serbisë, shkruan Slobodna Bosna.
“Lërini serbët dhe shqiptarët të argëtohen me budallallëqe, pasi e kanë në gjak të merren me shpifje dhe jetë të tjerëve”, ka thënë Musliu për Danas.
Siç shton ai, “është e trishtueshme kur politikanët dhe gazetarët merren me trillime dhe shpifje për hir të ndonjë interesi dhe pafuqie personale, të pistë, pa menduar se po u shkaktojnë fyerje dhe dhimbje shpirterore dhe mendore personave të tjerë të përmendur”, thekson Musliu.
Dikur, pas raportimeve në media se ai ishte babai biologjik i Aleksandar Vuçiqit, Fahri Musliu e mohoi këtë.
